ОБЛЫСТЫҢ “ЕҢ ҮЗДІК ФТИЗИАТРЫ” АНЫҚТАЛДЫ

---

Медицина қызметкерлері күніне орай Түркістан облыстық денсаулық сақтау басқармасының басшысы Асхан Байдуәлиев медицина саласын жақсарту мақсатында еңбек етіп жүрген денсаулық сақтау саласының қызметкерлерін атаулы мерекемен құттықтап, марапаттады.

Медицина күніне орай ұйымдастырылған “Медицина үздігі-2023” байқауының нәтижесінде Түркістан облысы бойынша “Ең үздік фтизиатр” Мамбетов Бердалы Жұмабекұлы деп танылды.

Бердалы Жұмабекұлы 40 жылға жуық медицина саласында еңбек етсе, 34 жыл фтизиатрия саласында жұмыс істеген.

Түлкібас аудандық туберкулезге қарсы ауруханасының бас дәрігері болып 10 жыл қызмет атқарған. Еңбек жолында денсаулық сақтау саласына қосқан үлесі үшін бірнеше алғыс хаттармен марапатталған. “Құрмет грамотасының”, “Денсаулық сақтау саласының үздігі” төсбелгісінің, “Алтын дәрігер” төсбелгісінің, “Ерен еңбегі үшін” медалінің иегері.

Бердалы Жұмабекұлын марапатымен құттықтай отырып, отбасына амандық, деніне саулық тілейміз! Еңбегіңіз жана берсін!

Артқа қайту